BUTUAN CITY – Kanselado na ang Panaad 2020 nga na-andan nang himuon sa may Purok Iyao, Barangay Anticala, ning siyudad sa Butuan.
Kini ang gikumpirma ni TG Salceda, usa sa mga naglangkub sa technical working group sa Panaad 2020 sa pakighinabi sa Bombo Radyo.
Nasayran nga ipahigayon unta ang ang nasangpit nga relihiyosong kalihukan karung Abril 10 sa alas 4:00 sa buntag o Biernes Santo.
Sumala pa ni Salceda, nadisesyunan nilang ikansela ang Panaad tungod sa Community Quarantine nga gi-implementar sa Butuan City.
Segurado matud pang daghang mga patakaran ang masupak ugaling ipadayon ang Panaad, sama na lang sa social distancing tungod kay seguradong dagsaon gihapon kini sa mga magtotoo.
Subay niini, gi-awhag ni Salceda ang mga magtotoo nga magpenetensiya na lamang diha sa panimalay ug i-ampo ang nahitabo karun sa kalibutan.
