BUTUAN CITY – Gikumpirma ni Police Regional Office (PRO) 13 Director, Brigadier General Joselito Esquivel, Jr, nga nagpadayon ang anti-illegal drugs operation sa Caraga Region nga miresulta sa pagkakumpiska sa balor 177-mil, 590 pesos nga kantidad sa ilegal nga drugas ug pagka-aresto ang ika-unom og ikawalong illegal drug personalities.
Nabutang sa target list top six sa illegal drugs personalities ang suspek nga si Ritchie Paulco Gemina alyas “Che-Che”, 32-anyos, dalaga, wala’y trabaho ug residente sa Purok Million, Amat Street, Barangay Taft, Surigao City, Surigao del Norte kinsa nadakpan pinaagi sa buy bust operation sa mga elemento sa Drug Enforcement Unit kon DEU sa Surigao City Police Station ug sa Surigao del Norte Police Provincial Office.
Nakumpiska gikan sa posisyon ni Gemini ang usa ka sachet sa shabu nga mitimbang og 0.05 grams nga mikantidad sa 590-pesos; 500-pesos nga marked money; 710-pesos nga cash og usa ka cellular phone.
Nadakpan usab ang pintor nga si Allen Kim Capada Agarrado, 29-anyos, ulitawo, nanimuyo sa Purok 4, Barangay San Isidro, San Francisco, Agusan del Sur og ikawalo sa PRO-13 target list sa illegal drugs personalities pinaagi sa buy bust operation ning nakalabay’ng mga adlaw sa Purok 3, Brgy. 3, San Francisco, Agusan del Sur pinaagi sa mga miyembro sa Drug Enforcement Unit (DEU) sa San Francisco Municipal Police Station, Agusan del Sur Provincial Intelligence Branch ug 1st Agusan del Sur Provincial Mobile Force Company.
Nakumpiska gikan kang Agarrado ang 15 ka sachets sa shabu nga mitimbang og 15 gramos nga dunay kantidad nga 177-mil pesos ug 500.00 bill nga buy bust money.
Sigon ni Police BGEN Esquivel, Jr ang duha mag-atubang og kasong paglapas sa Republic Act No. 9165 kon Comprehensive Dangerous Drugs Act of 2002.
