BUTUAN CITY – Positibo pa gihapon sa paralytic shellfish poison ang Barobo, Hinatuan ug Lianga Bay sa Surigao del Sur base sa pinaka-ulahing laboratory results sa Bureau of Fisheries and Aquatic Resources kon BFAR.
Tungod niini, gibutyag ni BFAR-Caraga Assistant Regional Director Edgar Balambao sa eksklusibong pakighinabi sa Bombo Radyo Philippines, nga pabiling gidili ang pagkuha, pagbaligya, pagpalit og pagluto og nga kinhason nga gikan sa maong mga baybayon.
Sigon sa opisyal, constant monitoring ang ilang gihimo aron mahatagan og update ang mga residente kung angayan na ba silang mukaon sa mga kinhason sa ingon dili masusama sa magti-ayon sa lungsod sa Barobo nga parehong namatay human gikilaw ang kinsahon nga ilang nakuha sa Lianga Bay.
Apil sa positibo pa sa paralytic poison ang kabaybayuan sa Bataan partikular sa Mariveles, Limay, Orion, Pilar, Balanga, Hermosa, Orani, Abucay ug Samal; apil na sa Puerto Princesa Bay, Puerto Princesa City sa Palawan; coastal waters sa Dauis ug Tagbilaran City sa Bohol; Irong-irong, San Pedro ug Silanga Bays sa Western Samar; Matarinao Bay sa Eastern Samay ug ang Cancabato Bay, sa Tacloban City sa Leyte.
