BUTUAN CITY – Gipirmahan na sa hospital chain operator nga Metro Pacific Hospital Holdings Inc. kon MPHHI ang kasabutan aron ma-angkon ang 67-porsiento sa Manuel J. Santos Hospital kon MJSH ning siyudad sa Butuan, rason nga mapalapdan na unya ang ilang operasyon sa Mindanao.
Base sa Philippine Stock Exchange kon PSE, gibutyag sa parent conglomerate nga Metro Pacific Investments Corp. nga natapos na sa ilang hospital arm ang usa ka share purchase agreement tali sa Santos, Vesagas, ug Villareal families aron ma-angkon ang minimum nga 576,257 shares, nga nagrepresenta sa dili mu-ubos sa 67 porsiento sa Santos Clinic Inc. kon SCI, ang tag-iya ug operator sa MJSH.
Tulo ka mga pamilyang pulos nga sumusunod ni founder Manuel Santos, ang hini-usang nanag-iya sa 75 porsiento sa SCI.
Gihanyagan usab ang MPHHI nga i-purchase ang shares sa ubang mga SCI shareholders sa kantidad nga P563.77 matag-share.
Ang MJSH usa ka level 2 hospital diha sa may Montilla Boulevard corner National Highway ning siyudad sa Butuan kansa nagsugod niadtong 1933 sa pagpanguna ni anhing Dr. Manuel Santos ug iyang asawang si anhing Amparo Lopez, human gi-aghat sa igsoon ni Santos nga si anhing Cardinal Rufino J. Santos, ang unang pari nga Filipino nga nahimong Cardinal.
Sigon ni incoming SCI president ug chief executive officer Oslec Lopez, ang ika-15 na unya nga ospital sa MPHHI network usa sa mga duna’y pinaka-maayong istorya sa ilang portfolio, tungod sa pagka-establisar niini niadtong tuig 1933 kansa sama sa pagka-makasaysayanon sa Butuan.
Si anhing Cardinal Rufino Santos, ang eponym sa usa sa ilang mga premier hospitals usab sa Metro Manila diin sila usab ang nag-operate, mao ang nag-awhag sa iyang igsoon nga nga magtukod og ospital sa Agusan adiser pa kini nahimong Cardinal.
Gikan kaniadto, ang pamilya ni Dr. Santos nagsiguro nga ang MJSH magpabiling ‘go-to hospital’ sa Northeastern Mindanao.”
Ang infrastructure holding firm nga Metro Pacific Investments Corp. (MPIC) kasamtangang nakakunsumo og P35.3-billion nga kasabutan aron madala ang usa ka consortium pagpanguna sa American private equity firm nga KKR isip usa ka bag-ong strategic investor in MPHHI.
