BUTUAN CITY – Gikumpirma ni Land Transportation, Traffic and Management Office kon LTTMO-Butuan Chief PMajor Peter Paul Manatad nga duna na sila’y giga-id sa poste nga dispatcher sa mga de-pasayruang dyip nga mu-agi sa may JC Aquino Avenue corner J Rosales.
Kini isip pasi-unang pag-aksyon pa lamang sa reklamo sa mga de-pasayruang multicab drivers ug operators nga dugay nang mireklamo sa modus sa maong mga dispatchers nga manukot kanila og dagko higayong makakarga sila og mga pasahero.
Sa eksklusibong pakighinabi sa Bombo Radyo Butuan, giklaro ni Manatad nga adiser pa nila gigaid ang maong dispatcher, ila pang gipanid-an ang kalig-on sa maong sumbong.
Dinhi nila nasayran nga dili gyod makapalag ang mga drivers nga makakuha og mga pasahero gikan sa nagkada-iyang establisamiento sa maong lugar tungod sa mga back-up nga tawong magpaniid lang sa mga dili muhatag og mao matud pa’y mugulat kanila.
Tungod niini, gipanawagan niya ang tanang mga drivers ug operators nga mudangop sa ilang buhatan aron matumbok ang mga dispatchers ug ang ilang mga sakop nga maoy naghari matud pa sa maong lugar.
