BUTUAN CITY – Katorse ka mga pribado ug pangpublikong tunghaan sa kolehiyo og high school ning rehiyon sa Caraga ang misalmot sa duha ka adlaw nga 10th Caraga Parliamentary Debate Championship, The Law Fortun Cup nga gisugdan ning adlawa sa Agusan National High School.
Sa eksklusibong pakighinabi sa Bombo Radyo Butuan, gipadayag sa organizer sa maong debate nga si Butuan City ug Agusan del Norte 1st District Congressman Lawrence Lemuel Fortun nga kada-tuig, nagkadaghan ang mga tunghaan ning rehiyon sa Caraga nga misalmot sa maong debate.
Plano sa kongresista nga himuon kining Mindanaowide sunod tuig human gihangyo sa ubang mga rehiyon.
Giklaro ni Congressman Law nga ang ingon niini nga kalihukan sa ubang rehiyon sa Mindanao, dili regular ang pagpahigayon rason nga iya nang tun-an ang himuong mas lapad nga preparasyon.
Apil niini ang lugar nga ka-istaran sa mga delegado aron mahatag kanila ang pinaka-maayong akomodasyon ingon man dugang mga volunteers.
