BUTUAN CITY – Wala’y nabitbit nga bisan usa man lang ka gamit ang pamilya Dumanon human gilamoy sa kalayo ang ilang pinuy-anan kaganinang alas-dies sa buntag.
Migawas sa pakisusi ning sibyahan nga wala’y tawo ang pinuy-anan sa magti-ayong Marjorie ug Dave Dumanon sa Purok 8, Sitio Malalag, Brgy. Libertad ning siyudad sa Butuan rason nga wala’y nasakba sa ilang mga gamit.
Sigon sa igsoon ni Dave nga si Boyet, sayo pa lang kaganinang buntag dihang mibiyahe na ang iyang igsoon aron ipanghatud ang naluto na niining kandila kagabii samtang misayo usab dinhi sa siyudad ang iyang asawa bitbit ang usa nila ka anak ug nagtungha usab ang ilang kamaguwangang anak.
Gusto pa unta niyang salbahon ang mga gamit apan wala na niya kini mahimo tungod sa kadako na sa kalayo rason nga igo na lang sa pagdanguyngoy ang ginang nga si Marjorie.
