BUTUAN CITY – Gibuak sa Bombo Radyo Philippines ang kaugalingong record sa ‘pinakdugoong’ bloodletting activity sa kasaysayan. Subli na usab nga gipamatud-an sa daghan natong mga kababayan ang bayanihan spirit pinaagi sa pakighiusa sa usa sa malampusong Dugong Bombo 2019 sa Bombo Radyo Philippines.
Gitubag sa atong mga blood donors ang panawagan sa mga Bombo Radyo ug Star FM stations nationwide ang boluntaryong pagtubag sa panginahanglan ug dugo sa panahong kulang ang suplay. Kabahin kini sa pangandoy ni Dr. Rogelio M. Florete, ang Chairman of the Board of Bombo Radyo Philippines, nga subling mapukaw ang “spirit of volunteerism” sa atong mga kababayahan aron makatabang nga sumpayan ang kinabuhi sa ubang nanginahanglan.
Pipil aka lugar sa nasud ang wala gipanumbaling ang daot nga panahon, taas nga biyahe, taas nga linya ug kahadlok nga nasinati sa mga aftershocks sa pipila ka bahin sa Mindanao para lang maghatag ug donasyon sa ilang dugo. Ang tinuig nga Dugong Bombo 2019 subling gipahigayon nga Dungan sa 24 ka key cities nationwide nga dunay estasyon sa Bombo Radyo at Star FM.
Nikabat sa katibuk-ang 9,190 indibidwal o blood donors ang boluntaryong nakighiusa sa pinakadugoong bloodletting activity sa tabang sa Philippine Red Cross. Ang donasyong dugo nga natigom sa nasangpit nga proyektong ito igahin para sa mga biktima sa dengue, kidney failures, biktima sa klase klaseng kalamidad ug sa emergency blood transfusion ug procedures sa mga balay tambalanan. Kasagaran ang gibansagang “ber” months mao ang gikonsiderang kulang ang blood donations.
Nikabat sa katibuk-ang 9,190 successful blood donors ang buluntaryong naghatag sa ilang mga dugo para sa Dugong Bombo bloodletting project. Ang nasangpit nga ihap sa mga successful blood donors bugti sa 4,135,500 million cc sa dugo. Ang 4,135,500 million cc susamsa kadaghanon sa 4,135.50 litro sa dugo o muabot sa 1,092.48 gallons (4 liters per gallon) o bugti sa katibuk-ang 19.86 drums sa dugo nga natigom. (standard drum is 200 liters).
Sa pikas bahin ang nasangpit nga data dili pa pinal tungod ang Bombo Radyo Cauayan temporaryo usa nga gisibog ang Dugong Bombo ngadto sa sunod simana tungod sa bagyong Ramon diin ang mga venues ginamit isip evacuation centers. Sa makausa kinasing kasing kaming nagpasalamat sa mga successful blood donors, saludo kami sa inyong pagkabayani!
Daghan pang mga blood donor ang nakighiusa pero wala nipasa sa pre-screening requirements tungod sa isyu sa blood pressure, anemia, alcohol intake, tattoo ug uban pang hinungdan. Sa pikas bahin gikonsidera gihapon namong bayani kamu tungod sa kinasing kasing ninyong pag volunteer.
Nagpasalamat usab kami sa tanang naglangkub sa Philippine Red Cross nationwide, DOH, mga volunteers, partners, ug uban pang mga grupo, mga nagdumala sa mga venue, ug mga donors sa snacks.
Ang Dugong Bombo usa lang sa mga daghang proyekto sa Bombo Radyo Philippines nga dunay corporate social-cultural responsibility. Ang uban pa niini mao ang tinuig nga Bombo Medico, anaa usab ang Bombo Music Festival nga tumong nga makatabang sa paghulma sa mga talento sa mga Pinoy.
Dugong Bombo 2019…A Little Pain…A Life to Gain… Basta Radyo… Bombo!
