BUTUAN CITY – Tumang kalipay ang gibati sa katawhan ug mga opisyal sa Makilala, Cotabato human nadawat ang mga relief goods gikan sa mga Butuanons ug sa lokal nga kagamhanan ning siyudad pagpanguna sa City Social Welfare and Development and City Disaster Risk Reduction Management Office kon CDRRMO.
Sa eksklusibong pakighinabi sa Bombo Radyo Butuan, gipadayag ni Butuan City Konsehal Ferdinand ‘Daddy Ferds’ Nalcot nga duha ka mga dump trucks nga puno sa mga food ug non-food items ang gi-turn over ngadto sa LGU-Makilala alang sa 2,000 ka mga pamilyang apektado sa kusog nga sunod-sunod nga pagtay-og.
Gawas sa balor dos-milyunes pesos nga kantidad sa mga relief goods, nagtunol usab ang Butuan City-LGU og 54-mil pesos nga balor sa tseke anga gidawat mismo ni Makilala, Cotabato Mayor Armando Quibod.
Ang katawhan sa Makilala natandog og nagpasalamat sa nadawat nga mga hinabang kansa resulta sa pagtinabangay sa katawhan nga maoy naghupay sa ilang gihambing kahadlok, kabalaka og kaguol ug nagbilin pa og pahiyom sa ilang panagway.
