BUTUAN CITY – Hingpit nang namatay ang estudyante sa Mindanao State University kon MSU nga si Ivan Almeda, residente sa lungsod sa San Francisco, Agusan del Sur kapin usa ka semana sukad na-confine sa Amai Pakpak Medical Center sa Marawi City human gipusil sa wala pa mailang responsable sa community center sa main campus.
Wala na ma-antus pa sa freshman student ang bala nga mi-igo sa iyang ulo rason nga nakabsan kini sa iyang kinabuhi.
Nasayrang naglusad pa ang iyang mga kababayan sa Agusan del Sur og badminton tournament nga ‘SMASH for a cause’ aron ang proceeds niini ihatag isip tabang sa mga galastuhan sa iyang pagpatambal sukad pa kagabii nga matapos pa unyang gabii.
Nagbangutan karon ang mga estudyante ug mga magtutudlo sa MSU sa nadangatan ni Almeda
