BUTUAN CITY – Gawas sa padayong pagpakusog sa police checkpoints sa matag Municipal Police Stations, City Police Stations ug mobile forces, ang Police Regional Office kon PRO-13 magdeploy og dugang 1,500 ka police personnel ngadto sa mga sementeryo, simbahan, pantalan, bus terminals, malls, ug ubang lugar isip paghatag sa seguridad sa panahon sap ag-obserba sa All Souls’ ug All Saints’ Days.
Ang dugang police personnel maglusad og mobile patrol, foot patrol, police presence ug pag-maneho sa Police Assistance Desks nga gitukod sa mga sam-ang og Motorist Assistance Centers sa nagkadaiyang dapit sa rehiyon.
Lakip sa e-deploy ang EOD ug K9 Teams ngadto sa estratehikong lugar diin dunay bagang doot sa katawhan.
Sigon ni Police Brigadier General Joselito T Esquivel, Jr, PRO-13 Director, pahugtan pa ang police operations adiser, atol ug human sa kalag-kalag aron maseguro ang kalinaw ug kahapsay sa publiko.
