BUTUAN CITY – Magpahigayon og Patak Polio Progam ang barangay council sa Brgy. Doongan ning siydad pinaagi sa joint partnership sa Department of Health kon DOH, Rotary Club of Butuan, ingon man ang City Health Office karong Huwebes, Oktubre 24 ning tuiga.
Sa gipadayag sa Bombo Radyo Butuan ni Barangay Captain Gilberto Enriquez , target nilang ma-immunize ang 1,500 ka mga bata human mibalik ang sakit nga polio sa Pilipinas paglabay sa kapin 15 ka tuig human ang pagkawala na mitala og kaso niini ang Pilipinas.
Gipaniguro sa opisyal nga luwas ang gamitong bakuna sa ipahigayon nilang Massive Immunization Program kon Patak Polio Program tungod kay na- examine na ang sample niini sa City Health Office.
Alayon niini, gi-awhag ni Enriquez ang tanang mga ginikanan sa ilang barangay og kasikbit nga mga barangay nga dalhon nila ang ilang mga anak nga nag-edad og 5-anyos pa-ubos aron ma-immunize og aron maka-avail sa mass feeding program.
