BUTUAN CITY – Malampusong natak-upan ang gihimung ALS Barangayan sa North-West-Butuan District kagahapong adlawa diin ang host niini mao ang Barangay Limaha ning siyudad.
Nasayrang sakop sa maong distrito ang Barangay Limaha, Pagatpatan, Agusan Piqueño ug Doongan.
Gisugdan ang maong ALS Barangayan Commencement Exercise sa alas 6:00 sa buntag ug natapos sa alas 4:00 sa hapon.
Miabot sa 61 ka indibidwal ang migradwar sa teknikal nga kursong commercial cooking ug baking.
Sa pakighinabi kang Kapitan John Rosales sa Barangay limaha ning siyudad, gibutyag niini nga ang gihimung ALS Barangayan usa ka maayong pag-aghat sa tanang out-of-school-youth ug mga tag-as nag edad nga indibidwal aron mahatagan og edukasyon o kahibalo nga magamit diha sa ilang panginabuhian.
