BUTUAN CITY – Mokabat sa 97.2% sa mga Filipino nga nag-edad og 19 ngadto sa 59 anyos ug 95.5% usab niadtong nag-edad og 60 pataas ang kulang sa calcium, sumala sa Food and Nutrition Research Institute (DOST-NRFI) 2021 Expanded National Nutrition Survey (ENNIS) sa Department of Science and Technology.
Alayon niini, gikabalak-an usab sa mga eksperto sa DOST ang hulga sa osteoporosis ngadto sa mga katawhang Pilipino tungod sa maong datos.
Sumala pa ni DOST-NRFI senior science research specialist Josie Gonzales, nga ang kakuwang sa calcium maoy hinungdan sa pagkaluya sa mga bukog hinungdan nga dali ra kining mabali.
Matud pa ni Gonzales nga adunay daghang alternatibo nga magamit ug tinubdan sa calcium, dili lang gatas kon dili apil na ang kamungay, tangkong, ganas, ug uban pang dahon nga utanon, ingon man mga gagmay nga isda sama sa dilis, kansa haom alang niadtong adunay lactose intolerance.
Gawas sa pagkaon sa mga pagkaong puno sa calcium, kinahanglan usab nga batasanon ang pagpakita sa imong kaugalingon sa adlaw aron matabangan ang lawas nga masuhop og calcium. Dugang niini nga kinahanglan usab nga balanse nga pagkaon ug likayan ang pagpanigarilyo ug uabn pang mga bisyu.
Dugang sa maong eksperto nga makaapekto usab ngadto sa calcium deficiency ang subra sa caffeine. Ang mga duna matud pay osteoporosis kinahanglan dili moinom og sobra sa 3 ka tasa sa kape kada adlaw.
