BUTUAN CITY- Patay ang 90 ka-tao sa pagbusikad sa minahan sa karbon sa northern China.
Nahitabo ang gas explosion sa Liushenyu Coal Mine, nga gipadagan sa Tongzhou Group sa Shanxi Province.
Libaon ka rescuers na ang gipadala sa site alang sa pagpangita sa mga biktima sa pagbusikad.
Anaa sa lugar na usab ang paramedics ug ambulansiya kung asa kapin 100 ka-tao ang daw gidagan sa balay-tambalanan.
Base sa taho, anaa sa 247 ka minero ang gitahong anaa sa site dihang nahitabo ang pagbusikad.
Human sa insidente, nanawagan si Chinese President Xi Jinping nga walay usikang oras aron tambalan ang mga na-angon ug pangitaon ang mga survivor.
Minghangyo na usab ang Chinese President sa gobyerno nga imbistigahan ang hinungdan sa aksidente ug patubagon ang mga responsable.
Base sa taho sa state media, naka-detine na ang mga opisyal nga nagpadagan sa maong coal mine. Sa pagkakaron, wala pa gipagawas ang hinungdan sa pagbusikad apan base sa taho sa media, minglapas na sa limits ang lebel sa carbon monoxide, usa ka makahilong odourless gas, nga makit-an sa mina.
Ang Shanxi usa sa pinakapobre nga probinsiya sa China, kansa na-ilhan sa coal-mining capital sa bansa.
Kataposang natalang trahedya adiser ang insidente karung tuiga mao ang pagkahugmak sa usa ka open-pit coal mine sa northern Inner Mongolia niadtong 2023 nga mingpatay og 53 ka-tao.
