BUTUAN CITY – Nadugangan na usab og 79 ka bag-ong kaso sa Covid-19 ang rehiyon sa Caraga. Kini gilangkuban sa 41 ka mga lalaki og 38 ka babaye diin 61 porsiento ang nag-edad sa 21-anyos ngadto sa 50-anyos.
Ang bag-ong kaso nagsumikad sa Agusan Del Norte nga dunay 10 pinaagi sa mga lungsod sa Nasipit-6 og tag-usa sa Buenavista, Carmen, Las Nieves og Magallanes; sa Agusan Del Sur-9 pinaagi sa lungsod sa San Francisco-6, Prosperidad-2 og Bunawan-1; Bayugan City-3; Surigao Del Norte-3; Surigao City-17; Surigao Del Sur-10; Tandag City-8; Bislig City-3 og Butuan City dunay 16.
Ang bag-ong kaso ning siyudad nagsumikad sa Barangay Ambago og Villa Kananga nga dunay tag-3, tag-duha sa Dagohoy og Libertad samtang tag-usa sa Agusan pequeño, Baan km-3, Baan Riverside, Bayanihan, Doongan og Tandang Sora.
Sa classification sa bag-ong kaso, 57 ang local transmission, 3 ang dunay travel history sa mga lugar nga dunay kaso sa Covid-19, 5 ang close contact sa kanhe positibo sa coronavirus, 9 ang health care workers, 2 ang frontliners og 3 ang walay travel history sa mga lugar nga dunay kaso.
Sa nadugang nga bag-ong kaso, 40 niini ang asymptomatic, 35 ang dunay mild symptoms, 3 ang severe og 1 ang critical.
Samtang dunay nadugang nga 3 ka patay tungod sa maong virus. Kini mao ang 61-anyos nga lalaki gikan sa Surigao City nga namatay niadtong nakalabay lang nga adlaw, ang 77-anyos nga lalaki sa Butuan City nga nakabsan sa kinabuhi sa susamang adlaw og 66-anyos nga lalaki sa Tandag City nga namatay niadtong Oktubre 8.
Sa pagkakarun, ang cumulative cases sa Covid-19 sa rehiyon, misaka na sa 1, 990 diin 1, 240 ang nakarekober, 670 ang aktibong kaso og 80 ang napatay.
