BUTUAN CITY- Opisyal nang gisugdan ang kasaulogan sa 76th Adlaw Hong Butuan pinaagi sa Pangaliya Hong Pagkahiusa nga gipahigayon sa City Hall Grounds kaganihang buntag.
Naghiusa ang mga lider sa nagkalain-laing relihiyon, mga Lumad, ug mga opisyal sa dakbayan sa pag-ampo alang sa kalinaw, panaghiusa, ug kauswagan sa Butuan, diin kabahin sa seremonya ang tradisyonal nga ritwal ug mga sayaw sa Tribong Manobo ug Higaonon isip pagpangayo og pag-ampo.
Gipasiugdahan usab ang kalihokan pinaagi sa Butuanon nga awit nga Panalangin ug ang Sayaw sa Pagkahiusa nga gitambongan sa mga opisyal sa gobyerno, barangay, regional agencies, civil society organizations, academe, pribadong sektor, ug mga empleyado sa City Government of Butuan, nga nagsimbolo sa panaghiusa sa tanang sektor isip pagsugod sa Charter Day celebration sa siyudad.
