BUTUAN CITY- Mikabat sa 68 ka insidente ang nakumpirma sa International Maritime Organization (IMO) sa Strait of Hormuz ug kasikbit nga katubigan sulod sa unom ka bulan nga gubat tali sa Iran, Estados Unidos ug Israel, kansa bugti sa usa ka insidente matag 2.6 ka adlaw.
Sumala sa UN maritime agency, labing menos 20 ka seafarers ug port workers na ang namatay, 35 ang nasamdan ug usa ang gikatahong nawala, samtang hapit katunga sa mga insidente nalambigit sa mga tanker, 20 porsyento sa container ships ug 15 porsyento sa bulk carriers.
Sa 68 ka insidente, 47 niini ang giklasipikar sa United Kingdom Maritime Trade Operations isip mga pag-atake, diin labing daghan ang nalambigit nga Liberia-flagged vessels, gisundan sa mga barko gikan sa Panama ug Marshall Islands.
Mikunhod sa makadiyot ang insidente samtang nagpadayon ang peace talks, apan misaka pag-usab human mapakyas ang negosasyon, diin upat ka seafarers ang namatay, 16 ang nasamdan ug usa ang nawala.
Ang Strait of Hormuz nagpabiling kritikal nga agianan sa komersyal nga mga barko tungod kay importante kini sa transportasyon sa lana ug gas sa rehiyon.
