BUTUAN CITY – Usa ang patay ug tulo ang angol sa natigayong sword attack sulod na usab sa usa ka tunghaan sa Central Town sa Fagersta, sa Stockholm, Sweden.
Sigon sa mga otoridad, usa ka 18-anyos nga lalaki ang kalit na lang misulod sa Brinell High School suot ang helmet ug mi-atake gamit ang espada hinungdan sa gipatumang temporary lockdown sa kasikbit nga dakbalay.
Nasuta pa sa imbestigasyon nga ang suspetsado kinsa kanhi estudyante sa maong tunghaan, gikatakdang kasuhan og murder ug attempted murder ug gisusi karon sa Swedish police ang iyang online activity, lakip ang usa ka TikTok account nga posibleng konektado kaniya.
Nakita didto ang litrato sa espada pipila ka minuto sa wala pa ang pag-atake ug mga reference sa nangaging school attacks.
