BUTUAN CITY- Gibatikos ni US President Donald Trump si Ukrainian President Volodymyr Zelensky tungod sa gihimong pag-atake niini sa Russia.
Sumala ni Trump, wala na gi-respeto sa Ukraine ang nahimong hangyo niini nga i-hunong ang pag-atake sa Russia.
Sa halapad nga drone attack sa Ukraine na-igo ang mga oil depot sa Russia.
Dugang pa sa US President, dili niini gusto nga mawala ang Russia sa negosasyon aron matapos ang giyera tali niini ug sa Ukraine.
Pag-insistar ni Trump, walay gihimo ang Ukraine aron hingpit nga matapos ang giyera niini og Russia.
Gipasigarbo pa ni Trump nga anaa sa proseso na kini sa pagplastar sa negosasyon sa pagtatapos sa giyera tali sa Ukraine ug Russia.
Kahinumdumang adunay, pagdumot si Zelensky kang Trump tungod sa pag-ugmad og maayong relasyon niini sa Russia aron makakuha kini og dugang supply sa lana.
