-- ADVERTISEMENT --
BUTUAN CITY – Plano ni French President Emmanuel Macron nga makigpulong sa mga estudyante human ang nahitabong mga lihok-protesta sa ilang nasud aron pagpaminaw ug paghisgot sa ilang mga reklamo ilabina ang gipangayo nilang pag-usab sa sistema sa edukasyon.
Mao kini ang unang higayon nga makigtagbog ang lider sa France sa mga grupo sa mga estudyante kinsa nanawagan sukad pa niadtong Septembre alang sa hingpit nga pagrepaso ug pag-usab sa sistema sa edukasyon.
Aron mapakusog ang ilang pagduso sa gobyerno, nanawagan ang mga estudyante og mga lihok-protesta.
Sa pagkakaron, kapin 200 na ka mga tawo ang nadakpan tungod sa padayong mga protesta, samtang nagpatuman usab ang mga awtoridad og curfew sa mga lugar sa Marseille ug Lyon.
