BUTUAN CITY- Gipadayag sa Syria nga gilaoman nilang magpadayon na usab ang negosasyon sa Israel alang sa usa ka security deal kansa tumong mapahawa ang mga puwersang Israeli sa ilang teritoryo.
Gi-awhag ni Syrian Foreign Minister Asaad al-Shaibani ang Israel nga pahimuslan ang maong higayon alang sa diplomasya, apan gi-insistar niini nga ang nag-unang prayoridad una sa Damascus mao ang pagpahunong sa mga pag-atake sa Tel Aviv.
Kasamtangang nagpatuman og presensya ang puwersa sa Israel sa habagatang-kasadpang bahin sa nasud human nahagba ang rehimeng Assad niadtong 2024.
Mas minggrabe pa ang tensiyon dihang gibombahan bagohay lang sa militar sa Israel ang Abu al-Duhur airbase tungod sa alegasyong gamiton kini sa Turkey, butang nga gilimod sa pangamhanang Syrian.
Sigon ni Shaibani, bisan nasabotan na kani-adto ang pagtukod sa mga buffer zone ilawom sa United Nations, inay minglikay ang Israel nga tumanon ang kasabotan.
Taliwa sa kawalay pagsalig sa Israel, malaumon gihapon ang Damascus nga moresulta ang pagpangpresyur sa Estados Unidos aron mabalik ang duha ka kampo sa pormal nga panaghisgot.
