BUTUAN CITY- Ming-abot sa P1.79 bilyon ang damyos sa sektor sa agrikultura tungod sa hini-usang epekto sa habagat, ang mga miaging bagyong Luis, Maymay ug Neneng.
Sumala sa Department of Agriculture, adunay 51,229 ka mga mag-uuma ang na-apektuhan.
Minggawas usab sa dato sa Disaster Risk Reduction and Management Operations Center kon DRRM-OpCen nga adunay 41,647 ka hektarya sa agricultural land ang apektado.
Nagtala usab og 44,745 metrikong tonelada sa mga produkto ang nasayang tungod sa nasangpit nga daot nga panahon.
Ang mga lugar nga na-apektuhan gilangkoban sa Ilocos Region, Cordillera Administrative Region, Cagayan Valley, Central Luzon, CALABARZON, MIMAROPA, Bicol Region ug Western Visayas.
Posibleng madugangan pa ang damyos tungod padayon pang ming-himo og assessment ang DA sa mga nagapektuhang lugar.
