BUTUAN CITY – Naghanyag ang Iran og $30,000 kon bugti sa kapin 300-mil pisos nga reward ngadto ni bisan kinsa nga makadakop o makapatay og sundalong Amerikano.
Base sa state news agency sa Iran, gibutyag ni Army Chief Amir Hatami nga gilusad ang maong programa human nakadawat ang militar og daghang hangyo gikan sa mga Iranians nga gustong moapil.
Mas dako pa hinuon ang reward alang sa mga babaye nga makahimo sa maong aksyon tungod kat doble sa $30,000 ang madawat sa mga babaye nga makadakop o makapatay og sundalong Amerikano.
Wala maghatag si Hatami og detalye kung asa o kanus-a mahimong himuon ang pagdakop o pagpatay sa mga sundalong Amerikano.
Wala usab makumpirma ang deployment sa mga ground forces sa US ngadto sa Iran subay sa kasamtangang gubat. Usa sa mga operasyon nga gitaho mao ang rescue mission niadtong Abril alang sa usa ka Amerikanong piloto nga napukan ang iyang eroplano.
Subling nanawagan si Hatami sa Estados Unidos nga mobiya sa Middle East sa rasong wala na matud pa’y permiso ang US nga mosulod sa Persian Gulf, Gulf of Oman, ug sa Strait of Hormuz.
