BUTUAN CITY- Gigamit sa House Prosecution panel ang duha ka trial day nga wala nadayon tungod sa kalamidad aron balikan ug susihon ang mga ebidensiya, testimoniya, ug uban pang gikoptan nga impormasyon batok kang Vice President Sara Duterte.
Sumala ni panel adviser ug kanhi Rep. Robert Ace Barbers, wala nahimong babag ang kalamidad aron susihon sa panel ang gipadagang kaso batok sa ika-duhang presidente, ug tun-an kung unsaon aron mas mapalig-on ang mga argumento.
Bsan paman kada-adlaw matud pa ang pagtuon ug pagsusi sa panel sa kaso, nahatagan ang mga prosecutor og duha ka dugang adlaw alang niini, lakip na ang pagplano sa mga sunod pang ipresentang testigo ug mga ebidensiya.
Sigon sa kani magbabalaod, taliwa paman nga duha ka trial day ang wala magamit tungod sa kalamidad, nahimong produktibo gihapon ang panel sa pagpalig-on sa kaugalingon niining kaso.
Taliwa sa pipila ka kanselasyon sa mga trial day, mala-umon gihapon ang House panel nga mas mapadali ang pag-uswag sa pagtaral batok sa Bise Presidente.
Tungod niini, gihisgutan matud pa sa House ang posibilidad nga dugang usa ka adlaw sa kasamtangang tulo ka adlaw matag simana nga schedule. Matud ni Barbers, posibleng itudlo ang adlaw nga Biyernes isip laeng trial day.
Nagtuo ang kanhi magbabalaod nga bisan paman madugangan ang trabaho, pareha ang Senado ug ang House, makapahimulos niini alang sa mas paspas nga pag-uswag sa kaso.
Samtang, gusto usab sa panel nga masustain ang momentum ug ang interest sa publiko samtang gihisgutan angarticle 1 o ang artikulong gilangkoban sa confidential funds ni VP Sara.
Kampante ang kanhi magbabalaod nga mas mahimong ‘interesting’ ang mga mosunod nga aldaw samtang gihigutan ang confidential funds, tungod sa bulto nga ebidensiyang gikuptan karun sa panel.
Mingla-om usab ang House panel, nga aprobahan sa Impeachment Court ang i-sugyot nga ideklara si Edward Fajarda isip hostile witness ugaling hingpit nang ipresenta kini sa panel sa mga sunod adlaw.
Dugang ni Barbers, si Fajarda ang isunod kang Gina Acosta, parehong mga special disbursing officer ubos sa duha ka opisina ni VP Sara.
