BUTUAN CITY- Mingsaka pa sa 7.4 milyon ka indibidwal o bugti sa 2.1 milyon ka pamilya ang apektado sa mga ming-igong kalamidad sa nasud.
Sa pinakabag-ong datos sa National Disaster Risk Reduction and Management Council kon NDRRMC, natala ang mga apektadong populasyon sa Ilocos Region, Cagayan Valley, Central Luzon, Calabarzon, Bicol Region, Western Visayas, Zamboanga Peninsula, Cordillera Administrative Region, National Capital Region, ug MIMAROPA
Nagpabilin sa 29 ang ihap sa mga namatay tungod sa pagpanamastamas sa mga bagyong Luis, Maymay ug sa habagat.
Sa mga natalang namatay, 15 ang narekober sa Benguet, 4 sa Rizal ug Batangas, 2 sa Caloocan ug tig-usa sa La Union, Quezon, Oriental Mindoro ug Negros Occidental.
Aduna pa usab 3 ka-tao ang gitahong missing samtang 19 ang angol.
Sa pagkakaron, nagpabilin gihapon sa mga evacuation center ang 40,600 ka indibidwal o bugti sa 11,900 ka pamilya.
Minghapak na usab sa gibana-banang 2,300 ka panimalay ang naka-angkon og kadaot sa maong kalamidad.
Sa kasamtangan anaa sa 89 na ka lugar sa tibuok nasud ang gideklarang ubos sa state of calamity tungod sa nahimong epekto sa mga bagyo ug habagat.
