BUTUAN CITY- Kapin usa ka buwan sukad nahuman ang FIFA World Cup 2026, nagpagawas na ang FIFA Disciplinary Committee og desisyon sa nahitabong kagubot human sa Finals match.
Sa desisyon sa komite, unom ka players ang gipamulta nga gilangkoban nila Leadro Paredes – kinsa gipamulta og $90.000 ug dili makadula og 10 ka international match. Nahuel Molina – gipamulta usab og $90.000 ug dili makadula og 7 ka international games. Pablo Gavi – gipamulta og $30.000 ug 1 game ban. Thiago Almada, $30.000 nga multa ug usa ka game ban. Roberto Ayala (team official) –tulo ka game ban ug si Pablo Martín Páez Gavira – usa ka game ban
Gipahamtangan usab ang Argentinian Football Association og multang nagkantidad og $321,000 tungod sa pipila ka ‘breach’ o paglapas sa kinatibuk-ang World Cup Finals batok sa Spain.
Ang maong desisyon human usab sa disciplinary proceedings nga gihimo sa FIFA human ang kontrobersiyal nga kagubot sa kataposang parte sa Finals. Kahinumdumang gikoronahan ang Spain isip World Cup champion samtang silver trophy usab ang nakuha sa kanhi champion nga Argentina.
