BUTUAN CITY – Mi-abot sa 150 ka mga iro nga corgis gikan sa siyam ka mga nasud, ang misalmot sa tinuig nga Corgi Race Vilnius, ang lumba sa mga corgi didto sa Vilnius, Lithuania.
Ang kalihokan adunay lain-laing klase sa kompetisyon, lakip ang corgi races, costume contest, “Smartest Nose” tracking competition, puzzle-solving contests, ug ang “Mightiest Voice” barking contest.
Ang mga corgi ug ilang mga tag-iya, gikan sa siyam ka nasod, lakip ang Latvia, Poland, Estonia, Germany, Ukraine, Czech Republic, Britain ug United States.
Ang unang Corgi Race Vilnius gihimo niadtong 2020 isip usa lamang ka friendly competition tali sa duha ka corgi ug ilang mga tag-iya. Apan sa misunod nga mga tuig, misikat kini ug nahimong international event nga gitambongan sa mga corgi ug dog owners gikan sa lain-laing nasod.
Gikan sa gamay nga lumba sa duha ka corgi niadtong 2020, nahimo kini karon nga usa ka dako ug internasyonal nga selebrasyon sa mga corgi—nga dili lang lumba ang apil, kundili apil usab ang costume, pangita gamit ang pang-simhot, puzzles ug bisan kompetisyon sa pinakalig-on nga pag-uwang.
