BUTUAN CITY – Magtigom ang mga senator-judges ugmang adlawa, Lunes, aron hisgutan ang bag-ong eskedyol sa impeachment trial batuk kang Vice President Sara Duterte.
Sigon ni Senator-Judge Erwin Tulfo, magtagbo ang mayoriya ug minoriya sa mga senador aron makakuha og consensus alang sa bag-ong eskedyol nga ibalhin na usab sa hapon aron makabaton og mas taas nga oras ug mas mapaspasan ang pagtaral.
Samtang gipadayag usab ni Senator-Judge Panfilo ‘Ping’ Lacson nga ang sentimiento sa mayoriya sa iyang mga ka-ubanan, ibalhin sa alas-2:30 sa hapon pataas ang pagtaral sugod sa Septembre 1.
Madumdumang una nang girekomenda ni senator-judge Juan Miguel Zubiri ang pagbalik sa ilang regular session sa buntag ug sa hapon usab ang impeachment trial nga maoy original schedule.
