BUTUAN CITY- Gisugdan na usab kagahapong adlawa Sabado ang bag-ong 50% nga taripa sa Estados Unidos sa nagkadaiyang produkto gikan sa Canada human napakyas sa katapusang minuto ang negosasyon sa duha ka nasod.
Sumala ni Canadian Prime Minister Mark Carney, gisuspenso niini ang pakigpulong tungod sa giingong dili patas ug dili makatarunganong kausaban sa mga kondisyon sa US, ug mipasalig nga motubag ang Canada og katumbas nga taripa, “dolyar baylo sa dolyar.” Ang bag-ong buhis maglangkob sa mga produkto sama sa bino, dairy, semento, sinina ug hockey equipment, dugang sa kasamtangang taripa sa asero, aluminum, awto ug kahoy.
Gipasidaan sa mga eksperto nga mahimong mokunhod ang ekonomiya sa Canada ug mahimong mawala ang liboan ka trabaho, samtang ang mga lider sa probinsya nanawagan og lig-on nga tubag sa Washington.
Ang pagkabungkag sa negosasyon nagbutang sa dugay nang suod nga relasyon sa pamatigayon sa US ug Canada sa mas tensiyonadong kahimtang, ilabi na dakong bahin sa eksport sa Canada padulong sa merkado ang Amerika.
