BUTUAN CITY- Minghimo og panagtapok ang mga ministro sa depensa ug langyaw nga mga kalihokan sa China ug Indonesia sa Jakarta aron hisgutan ang seguridad, politika, ug pamatigayon.
Tumong sa dayalogo nga palawman ang relasyon sa duha ka nasud taliwa sa tensiyon sa South China Sea ug mga pangkalibotanong hagit.
Sumala sa opisyal sa depensa, palapdan ang kooperasyon sa militar pinaagi sa mga hini-usang pagbansay, pagbayloay og mga opisyal, ug ang industriya sa depensa.
Bisan paman nakasinati kaniadto og pagsaway gikan sa Taiwan tungod sa hini-usang naval drills sa rehiyon, nanindigan ang Indonesia sa polisiya niining gawasnon ug walay gidapigang kampo.
Gawas sa seguridad, nahimong sentro usab sa gihisgutan ang bilyones dolyares nga investment sa China sa mga industriya sa Indonesia sama sa nickel ug baterya alang sa mga electric vehicle.
Gani, nanawagan ang mga kumpanyang Tsino og mas hapsay nga patakaran sa pangnegosyo tungod sa taas nga buwis ug hugot nga regulasyon sa maong nasud.
