Kapin 100 ka mga minero patay sa nahugno nga minahan sa Central African Republic

BUTUAN CITY – Kapin sa 100 ka mga tawo ang patay sa nahugno nga artisanal gold mine sa Zamboye, western Central African Republic dihang daghang minero ang nagtrabaho.

Nagpadayon pa ang search and rescue operations aron maluwas ang mga natabunan pa sa yuta kondiin duna na’y naluwas nga mga survivors nga naka-angkon og grabeng injuries.  

Dili pa pinal ang ihap sa mga namatay tungod sa nagpadayon pa nga  search, rescue ug recovery operations.

Nasayrang kanunay na ang ingon niini nga aksidente sa artisanal mining sa Central African Republic tungod sa kakulang sa regulasyon, kagamitan ug mga safety measures sa gagmay nga mga minahan.