BUTUAN CITY – Giklaro ni Pedro Tecson, tigpamaba sa Department of Education kon DepEd-Caraga nga gitugutan sa balaud ang mga local government units nga magsuspende sa face-to-face classes higayong duna’y weather disturbances ug uban pang kalamidad.
Kini subay na sa padayong nagtunhay karong taas nga heat index dinhi sa dakbayan sa Butuan, Cabadbaran City ug ubang dapit sa Caraga Region.
Sa eksklusibong pakighinabi sa Bombo Radyo Butuan, gipadayag ni Tecson nga duna usa’y kagahom ang LGU nga magpabalik sa face-to-face classes hangtud nga duna’y ipagawas nga bag-ong notisya.
Sa susamang higayon, duna usa’y susamang kagahapon ang DepEd depende na unya sa sitwasyon sa matag-tunghaan pinaagi sa mga school heads nga maoy labaw’ng nasayod sa sitwasyon sa ilang tunghaan.
Apan giklaro sa opisyal nga kung ang lokal nga kagamhanan magsuspende sa klase sa entiro lungsod, siyudad o lalawigan, kinahanglang musunod niini ang DepEd.
Apan bisan pa man nga suspendido ang face-to=face classes, dili angayang mabiyaan ang pagkat-on sa mga bata tungod kay otomatiko matud pang i-shift ang face-to-face classes ngadto sa online o kaha modular modality kon modular learning.
Samtang bisan og wala’y face-to-face classes, ang pag-report sa tunghaan sa mga magtutudlo, magdepende na sa school principal ilabina kung duna’y ipahimo kanila.
