BUTUAN CITY- Nagpataas ang grabeng kainit sa risgo sa mga sakit nga may kalabotan sa init, lakip na ang heat exhaustion ug heat stroke, hinungdan nga gipahimangnoan sa Department of Health ang publiko nga mag-amping ilabina panahon sa pinakainit nga oras sa adlaw.
Dumala sa DOH, ang taas nga heat index mahimong makahatag og seryosong peligro sa panglawas, busa girekomenda ang kanunay nga pag-inom og igo nga tubig, paglikay sa dugay nga pagpabilin ilawom sa init sa adlaw ug pagpahuway sa bugnaw o landong nga lugar.
Gipasidan-an usab ang publiko nga bantayan ang mga sintomas sama sa grabe nga pagkapuya, pagkalipong, sakit sa ulo, kasukaon ug sobrang pagpasingot, samtang ang heat stroke usa ka seryosong kondisyon nga nanginahanglan og dinaliang medikal nga pagtagad.
