BUTUAN CITY – Gipanglubong na ang mga migranteng namatay sa mass crossing ngadto sa Spanish enclave sa Ceuta, North Africa, tulo ka semana ang milabay.
Sa Muslim cemetery sa Ceuta, unang gilubong ang upat ka biktima samtang nagpadayon ang pag-abot sa ubang mga lawas.
Gila-umang mokabat sa 70 ka mga patay’ng lawas ang ilubong sa mosunod nga mga adlaw, kondiin mga 10 hangtod 12 ka paglubong ang himuon matag-adlaw.
Mga 95 porsyento sa mga biktima wala pa mailhi, apan matag-lubnganan gibutangan og numero aron dali silang mailhan ug ma-repatriate kung ma-claim na sa ilang mga pamilya.
Saigon sa mga otoridad, kapin 82 ka mga migrants ang namatay sa Spanish side sa utlanan, samtang laing 14 ang namatay sa Morocco, human nga kapin sa 72,000 ka mga tawo ang misulay og tabok gikan sa Morocco ngadto sa Ceuta.
Sa pagkakaron, unom pa lamang ka migrant ang opisyal nga nailhan, ug ang tanan Moroccan nga mga hamtong nga lalaki.
Gigamit sa mga otoridad ang fingerprints ug DNA matching aron mailhan ang mga biktima.
Apan lisod ang proseso tungod kay ang mga paryente gikan sa Morocco naglisod sa legal nga pagsulod sa Ceuta aron makahatag og DNA samples. Samtang, padayon sila sa pagpangita og impormasyon bahin sa ilang mga missing nga paryente.
