BUTUAN CITY- Gibarogan ni Taiwan President Lai Ching-te nga dipensahan sa ilang nasud ang matag parte sa teritoryo niini, lakip ang mga frontline island nga Kinmen, Matsu ug Penghu, taliwa sa nagpadayon nga tensyon sa China.
Sa pagbisita niini sa Kinmen niadtong Agosto 23 aron handumon ang ika-68 nga anibersaryo sa 1958 Artillery Battle, gihatagan og ginbug-aton ni Lai nga ang kalinaw makab-ot lang pinaagi sa igo nga kusog ug lig-on nga depensa, dungan sa suporta sa planong dugangan ang budget militar sa Taiwan.
Sigon sa pangulo, importanteng magpabiling andam ang Taiwan aron malikayan ang unsamang pagsuway nga sakupon ang teritoryo, samtang gihandom usab niini ang mga beteranong nakigbatok niadtong ika-duhang Krisis sa Taiwan Strait.
Niadtong Agosto 23, 1958, gibombahan sa China ang Kinmen, nga nahimong sinugdanan sa usa ka grabeng komprontasyon nga gitambongan sa Taiwan ug gisoportahan sa Estados Unidos.
Tungod wala pay duha ka kilometro ang distansya sa Kinmen gikan sa baybayon sa China, nagpabilin kining importanteng estratehikong lugar alang sa seguridad ug depensa ng Taiwan.
