BUTUAN CITY – Gidugangan sa Philippine Health Insurance Corporation kon PhilHealth ang mga benepisyo alang sa mga membro nila nga posibleng mataptan og leptospirosis ilabina karong sunod-sunod ang pag-ulan ug mga pagbaha.
Sigon sa bag-ong presidente ug Chief Executive Officer sa PhilHealth nga si Dr Beverly Lorraine Ho, mahimong makakuha og libreng antibiotic nga doxycycline ang mga pasyenteng nanginahanglan og preventive treatment ilalom sa YAKAP Gamot Program basta duna lama’y resita gikan sa ilang mga YAKAP doctors.
Mu-abot sa 20-mil pisos ang kantidad sa libreng out-patient medicines nga mahimong makuha sa mga accredited YAKAP Gamot providers.
Bisan ang hospitalization benefits alang sa mga moderate hangtud severe leptospirosis, gipalapdan na usab sa ahensya.
Sigon ni Ho, mas maayong madali pagtambal ang sakit kaysa mu-abot pa sa punto nga kinahanglan nang ma-ospital.
