BUTUAN CITY – Hugot nga gisunod sa kadumalahan sa CAAP-Butuan ang mga health protocols diha sa Bancasi Airport aron masiguro ang kaluwasan sa tanan gikan sa makamatay nga COVID-19.

Sigon ni Evangeline Daba sa eksklusibong pakighinabi sa Bombo Radyo Butuan, gikan sa pagkuha sa mga detalye sa mga mu-aging pasahero apil na sa pagpa-ilalom kanila sa body temperature, mandatory nga pagpasuot og face mask ug pag-sanitize sa ilang kaugalingon.

Gani duna na sila’y mga floor markers, mga wash areas, ug naghatag usab sila og mga personal protective equipment kon PPEs alang sa ilang mga frontliners.

Dugang ni Daba, ang mga mangabot nga pasaherong taga-Caraga Region lang maoy ilang i-rapid test samtang ang mga taga-gawas sa rehiyon mao usab ang ipanghatud sa border.

Kung duna’y magpositibo sa rapid test, ipakuha nila kini og ambulansya alang sa dugang pag-atiman.