BUTUAN CITY – Sikop ang 6 ka mga indibidwal atol sa buy-bust operation sa Brgy. Obrero Butuan City human kini nasapon sa mga otoridad sa pagpamaligya ug ginadiling droga samtang nag pot-session sa usa ka panimalay sa may Brgy. Obrero ning dakbayan.
Nakuha sailang posisyon ang 8-sachet nga adunay sa gitouhang shabu; 1-sachet nga buy-bust item nga mutimbang ug 25 gramos diin mubalor kini sa P170.000.00 pesos; Buy-bust money balor sa P1.050.00 pesos; Android Cellphone; 1 unit Erox Motorcycle ug uban pang nagkalain-laing drug paraphernalias.
Giila ang mga suspek nga sila: Roque Furia Raagas (SLI), 29 anyos, ulitawo; Valentine Orpina Arjona, 29 anyos, ulitawo ug usa ka candle maker; Arnel Aquino (SLI) 47 anyos, ulitawo; Edel Mario Pegarit Labampa (SLI) 48 anyos, minyo, truck driver; Xeres Bayotas Arbis, 57 anyos,ulitawo, pedicab driver; Nicanor Langga Alburo, 35 anyos, ulitawo ug delivery boy. Ang maong mga suspek puros residente sa nahisgutang barangay.
Ang maong operation gipangunahan ni PCapt. Moises Macalolot Jr. (SDEU) Station Drug Enforcement Unit uban sa pwersa sa Butuan City Police Station 2.
