BUTUAN CITY – Nagmalampuson ang simultaneous nga “Dugong Bombo: A Little Pain, A Life to Gain” Blood Donation Program sa 24 ka mga key cities sa Pilipinas niadtong sabado diin nahimutang ang 31 ka mga fully digitalized nga Bombo Radyo ug Star FM stations.
Mi-abot sa 5,561 ang nahimong successful donor nga bugti sa 2, 502,450 CC sa dugo o 2,503.45 litro kansa bugti sa 661.08 ka gallons o 12.02 drums.
Ang maong kalihukan maoy permiro human ning-igo sa Pilipinas ang COVID-19 Pandemic.
Pinaagi sa pakigtambayayong sa Philippine Red Cross, subling nakatutok ang Bombo Radyo Philippines sa pagpakaylap sa espiritu sa boluntaryong donasyon sa dugo. Sa kabahinan sa Philippine Red Cross-Butuan/Agusan del Norte chapter, dako ang pagpasalamat ni officer-in-charge Alger Boter nga hingpit nang nabalik sa Bombo Radyo ang maong tinuig nga kalihukan human nahunong og tulo ka tuig tungod sa COVID-19 pandemic.
Gipadayag ni Boter nga dakong tabang kini ilabina nga kulang kaayo og stock sa dugo ang ilang buhatan ug ubang mga blood banks ning siyudad.
