BUTUAN CITY – Gipa-imbestigahan na ni Mayor Jovitte Calo sa lungsod sa Carmen, Agusan del Norte ang natigayong pagtulis sa duha ka mga locally stranded individuals kon LSIs nga gi-quarantine sa ilang facility sa Brgy. Poblacion human naka-uli gikan sa kauluhang Manila.
Nasayran sa mayor nga mukabat matud pa sa 11-mil pesos nga salaping cash ug duha ka mahalong cell phones ang gikuha sa wala pa mailang responsable gikan sa mga biktima.
Sa eksklusibong pakighinabi sa Bombo Radyo Butuan, gipadayag ni Mayor Calo nga duna’y duha ngadto sa tulo ka membro sa Task Force on COVID-19 ang ilang gi-assign aron maoy magbantay sa ipang-quarantine sa maong pasilidad apan migawas nga wala’y bisan usa kanila dihang gisulod sila kagahapon sa kaadlawon.
Dili madawat sa mayor ang kawala sa maong mga duty personnel sa dapit nga ilang gibantayan rason nga gipangayuan niya og pagpasabot ang maong mga bantay.
Tigumon niya ugmang adlawa ang tanang mga barangay kapitan aron resolbahon kini nga isyu ilabina ang pagbalibad matud pa sa ubang mga barangay nga mudawat og mga LSIs tungod sa kahadlok nga mataptan matud pa og COVID-19 vaccine.
