140 ka mga tawo angol sa magnitude 7.1 nga linog sa Japan

BUTUAN CITY – Kapin sa 140 ka mga tawo sa Japan ang angol samtang kapin sa 860-mil nga kabalayan ang wala’y suga human gitay-og sa magnitude 7.1 nga linog sa kabaybayunan sa Fukushima.

Gisundan pa kini sa sunod-sunod nga mga aftershocks nga gikalisang sa mga tawo.

Sigon sa mga Hapon, susama kini sa daw duna’y nahitabong pagbusikad nga tungod sa kakusog, natuwang ang tanan nilang mga lamisa.

Tumang kalisang ang ilang gibati ilabina nga taud-taud na silang wala makasinati og linog rason nga nabalik-lantaw nila ang nahitabo sa mi-agi nga mimugna og lapad nga tsunami.