BUTUAN CITY – Gikumpirma ni Department of Labor and Employment kon DOLE Secretary Silvestre Bello III nga pinal nang nasabutan nila sa mga stakeholders atol sa ilang tigom nga kinahanglang ihatag gyod sa mga employers ngadto sa ilang mga empleyado ang 13th month pay karong tuiga taliwa sa COVID-19 pandemic.
Kini samtang init nga gihisgutang isibog una ang paghatag niini ilabina sa gitawag nga mga distressed companies kon mga kompanyang na-alkansi og maayo tungod sa pandemya.
Sa eksklusibong pakighinabi sa Bombo Radyo Philippines, gipadayag ni Bello nga magpagawas sila og kamanduan alang niini kansa gibase nila sa Presidential Decree No. 851 kondiin nakalatid nga kinahanglang ihatag ang maong benepisyo adiser o kaha sa mismong Disyembre 24.
Sigon ni Bello, nakalatid sa ilang ipagawas nga kamanduan ang dili pagsibog sa paghatag niini gawas nga wala usa’y exempted nga mga employers kondiin duna’y duha ka options sa paghatag niini ang mga employers alang sa mga gagmay’ng negosyo ug sa mga distressed companies.
Magsubmite usab sila og sugyot kang Finance Secretary Sonny Dominguez nga i-subsidize sa gobyerno ang kantidad nga pangbayad sa 13th month pay alang sa mga distressed micro and small medium enterprises sa ingon maka-utang sila o kaha maka-avail sa mga loan facilities.
