BUTUAN CITY – Pormal nang gisubmite sa Philippine National Police-Criminal Investigation and Detection Group kon PNP-CIDG ang ilang rekomendasyon ngadto sa Department of Justice (DOJ) aron mupasaka og kaso ilawom sa Anti-Hazing Act.
Batuk kini ngadto kang kanhi Ateneo men’s basketball head coach Tab Baldwin ug laing napulo tungod sa pagkalumos-patay nila student-athletes Rene Baterbonia ug Divine Adili atol sa gika-ingong team-building activity sa Dipaculao, Aurora.
Apil sa listahan ang strength ug conditioning coaches nga sila Grant Dearns ug Caesar Vincent Elumba.
Anaa usab ang assistant coaches nga sila Sandro Nicholas Soriano ug Reynaldo Jacinto Jr ingon man ang student managers nga sila Paolo Manuel Adevoso ug Andrew Lorenzo Salud ug ang physical therapist nga si John Eric Rueva ug ang utility boys nga sila Aris Ramos Pronce ug Joel Rapa.
Tungod niini, i-evaluate na sa DOJ kung pormal bang ipadayon ang pagpasaka kanila og mga kasong kriminal.
