BUTUAN CITY – Sa iyang pagbalik gikan sa 14 ka buwan nga layoff ug surgery sa na-detach nga retina, nasakmit ni unified champion Errol Spence Jr. ang kada-ugan sa iyang homecoming fight alang sa welterweight division.
Si Spence (28-0, 22 KOs) milugway sa iyang kontrol isip power player sa 147 pounds pinaagi sa paghi-usa sa iyang WBC ug IBF titles uban sa WBA belt gikan kang Yordenis Ugas (27-5, 12 KOs) human mipatigbabaw ang iyang kusog pinaagi sa kulba-hinam nga 10th-round TKO sa away nga gipahigayon sa electric AT&T Stadium sa Arlington, Texas.
Ang 32-anyos nga lumad nga taga-Desoto, nakkigbayluay og mga dagkong kinomo sa kinatibuk-ang close range batuk kang Ugas, kinsa mipakurog kang Spence sa Round 6 pinaagi sa nagpungasing kinomo nga mi-knock out sa iyang mouthpiece.
Apan wala kini nagpatumba kang Spence ug nagpadayon sa away hangtud nga iyang napahubag ang tuong mata ni Ugas rason nga dinhi na gihunong ni referee Laurence Cole ang away sa nahabiling 1:44 minuto sa Round 10 base na usab sa tambag sa ringside doctor.
