BUTUAN CITY – Subling giklaro ug gipamugos ni Vice President Sara Duterte nga wala manginlabot sila Pangulong Ferdinand ‘Bongbong’ Marcos Jr ug ang iyang amahang si kanhi Pangulong Rodrigo Duterte, sa iyang mga desisyon sa pulitika.
Ang duha ka tawong suod kaniya mao matud pa ang makapamatuod nga gihimo niya nga kinasing-kasing ang iyang trabaho.
Nakatutok matud pa ang iyang atensyon sa Department of Education aron mapanindot pa ang kalidad sa edukasyon sa nasud.
Misaad usab kining andam siyang mutabang pagsulad sa mga problemang gi-atubang sa nasud sama sa padayong pagsaka sa presyo sa mga palaliton ug uban pa.
Gipadayag kini sabesi presidente human siya gipahinay-hinay ni House deputy speaker ug Quezon 2nd District Rep. David Suarez, pagtambong sa mga rali aron malikayan ang mga makalibog nga senyales ilabina kung ang rali, musangpot na sa pagdaut kang Pangulong Ferdinand Marcos Jr.
Madumdumang nasawayan ang besi-presidente human mitambong sa prayer rally nga nagsuporta kang Kingdom of Christ Pastor Apollo Quiboloy kansa nahimong anti-Bongbong Marcos rally kansa dili maayong tan-awon tungod kay kabahin siya sa gabinete sa pangulo.
Giklaro usab ni Suarez ang kamahinungdanon sa panaghi-usa ug panag-uban sa mga misuporta sa pangulo ug dili maghatag og lahi nga senyales sa publiko.
