BUTUAN CITY– Gimanduan na ni Atty. Arvin Odron, ang Regional Director sa Commission of Human Rights sa Central Visayas ang Central Office sa pagpadala og mga tawo sa Panglao, Bohol aron imbistigahan ang salawayongpagsikop sa mga sakop sa Land Transportation Office 7 sa usa ka mag-uuma.
Sumala ni Atty. Odron, karon nang adlawa mubiyahe paingon sa Bohol ang mga opisyal sa Human Rights aron pagsuta sa insidente. Gipa-ambit usab niini ang iyang inisyal nga panglantaw sa video nga mikatap online nga wala matud pa kini senyales sa ‘aggression’. Pasabot nga kung ang suspek, wala migamit og pwersa, dili usab mugamit og pwersa’ ang bisan kinsang government officials.
Nasubrahan matud pa ang gihimo sa mga personahe base sa makita sa video ilabina nga nag-inusara lang ang ilang gisita tungod sa pagdala niini og kutsilyo sa pampublikong lugar.
Dihang nakuha na ang kutsilyo, padayon nilang giguyod ang lalaki panaog sa motorsiklo ug gisuwayan pagdakop. Misukol ang lalaki ug balik-balik niining giingon nga usa siya ka mag-uuma. Ang maong panghitabo nakaani og daghang pagsaway.
