-- ADVERTISEMENT --
BUTUAN CITY – Miabot na sa Agusan del Sur ang pambato sa Caraga Region sa swimming alang sa umaabot nga Palarong Pambansa 2026.
Usa sa mga swimmers mao ang pag-umangkon sa gitawag nga “Pinoy Aquaman” nga si Atty. Ingemar Macarine.
Kini mao si Appollo Mar “Tobey” Morabe Macarine, 13-anyos, gikan sa Surigao City.
Sa interbyu sa Bombo Radyo, gipadayag niya ang iyang kahinam para sa umaabot nga Palarong Pambansa, diin ikaduhang higayon na niya kining pag-apil sa maong kompetisyon.
Sumala kang Tobey, hugot ug sobsob ang ilang pagpangandam alang sa palaro, ug target niya nga makakuha og gold medal o malabnot og bag-ong record sa kompetisyon.
-- ADVERTISEMENT --
Pag-abot sa mga atleta sa Agusan del Sur, deretso dayon sila padulong sa swimming venue.
