BUTUAN CITY – Gibasura sa Pinakataas nga Hukmanan ang giduso nga petisyon para manduan ang Senado nga gelayong magpulong isip ‘impeachment court’ aron taralon si Vice President Sara Duterte.
Sa nahitabong En Banc Session sa Korte Suprema, gipadaplin ang ‘petition for mandamus’ ni Catalino Generillo Jr. ug gika-ingong dili saktong remedyo kini sa tumong nga mapatuman ang usa ka tataw nga legal nga katungdanan.
Base sa desisyon sa korte, dili pwedeng kontrolin pinaagi sa ‘mandamus’ ang himoong aksyon sa Senado sulod sa kaugalingon niining sakop.
Dili na matud pa sakip sa gahum sa Korte Suprema nga susihon ang paghawid sa senado sa katungdanan niini.
Gawas na lang matud pa kung nakabaton og ‘grave abuse of discretion’ sa parte o aksyon sa Senado.
Bisan paman niini giaksyunan pa gihapon sa korte suprema ang petisyon ug gitun-an kung dunay gisupak sa balaod ang Senado aron dili gelayong magpulong isip usa ka ‘impeachment court’ samtang anaa sa session break.
Sigon sa Korte Suprema, naglihok ang Senado ug napamatud-an nga miaksyon sa reklamong impeachment sa tukmang panahon.
Dinhe giklaro nga ang pulong nga ‘forthwith’ base sa konstitusyon nagpasabot nga sulod sa makatarunganon nga panahon, nga mamahimong mas taas o mas mubo depende sa mga panghitabo ng kaso.
Samtang gikonsidera usab ang petisyon isip ‘moot’ tungod andam ang Senado sa impeachment ug gipawalay bisa sa Korte Suprema ang ‘Articles of Impeachment’ batuk sa ikaduhang pangulo niadtong 2025 ug resolusyon niadtong Enero 2026.
