BUTUAN CITY – Ang kusog nga kampanya sa Pilipinas aron mahimong usa sa nag-unang destinasyon sa endurance sports sa kalibotan, musaka pa karong semanaha pinaagi sa Ironman 5150 Camiguin, nga maoy ikaduhang hugna sa unang 5150 Triathlon Islands of the Philippines Series — usa ka serye sa mga triathlon nga nagtumong sa paghiusa sa world-class nga kompetisyon ug promosyon sa turismo sa nagkalain-laing matahum nga mga isla sa nasud.
Human sa malampusong unang hugna sa Guimaras, ipadayon ang serye karong Domingo, Mayo 3, sa Camiguin diin daghang mga atleta gikan sa lain-laing nasud ang mu-apil sa Olympic-distance triathlon.
Ang lumba adunay 1.5 kilometro nga paglangoy, 40 kilometro nga pagbisikleta, ug 10 kilometro nga pagdagan.
Ang event gisuportahan sa Philippine Sports Commission ug uban pang ahensya sa gobyerno aron ipakita sa kalibotan ang katahum sa Pilipinas ug mapalambo ang sports sa nasud.
Mobalik usab sa lumba ang Filipina triathlete nga si Bea Quiambao human sa iyang maayong performance sa unang hugna sa Guimaras.
